Privat grunnskuleopplæring i heimen
Foreldre kan velje å gi barnet si opplæring heime. Dette blir kalla privat grunnskuleopplæring i heimen. Opplæringa må følgje den same læreplanen som han i den offentlege skulen.
Tenesteomtale
Som foreldre kan du velje å gi barnet ditt grunnskoleopplærig heime.
Slik går du fram
- Meld frå til skulen at du ønskjer å ta barnet ut av skulen og gi privat opplæring i heimen.
- Legg ein plan for at opplæringa følgjer dei nasjonale læreplanane
- Hjemmeopplæring er pålagde å følgje det same formålet med opplæringa som ligg i opplæringslova § 1-3. legg ein plan for korleis du kan dokumentere at du følgjer desse prinsippa.
- Vis at du følgjer krava til timar og fag (opplæringslova § 1-6)
- Opplæringslova pålegg å gi elevane kunnskap om religionar og livssyn, men forbyr forkynning av ein enkelt religion (altså forkynning som del av opplæringa). Legg ein plan for korleis livssynsopplæringa skal gå føre seg.
Innan tre månader etter at opplæringa i heimen har starta, vil kommunen komme på tilsyn. På tilsynet vil kommunen sjekke at opplæringskrava er oppfylte. Ein måte å sjekke det på er å krevje at barnet tek prøver. Viss kommunen vurderer det slik at barnet ikkje får den opplæringa det har krav på, kan kommunen krevje at barnet går på skulen.
Målgruppe
Foreldre til elevar i grunnskulen.
Kriterium/vilkår
-
Opplæringa må givast heime.
-
Det er foreldra som skal gi opplæring.
-
Det må vere mogleg for kommunen å føre tilsyn.
Pris for tenesta
Gratisprinsippet i skulen gjeld ikkje for privat opplæring i heimen. Det betyr at du ikkje kan krevje at kommunen skal betale for læremiddel eller til dømes museumsbesøk.
Brosjyrar, dokument,
kart og liknande
Lover
Dette er ei lovpålagd teneste. Sjå spesielt
Opplæringslova §§ 1-3, 1-4, 1-6, 14-5, 14-7 og 22-5.
Tjenesten oppdatert: 29.05.2024 17:12